有種氣質叫 有TASTE

1 month ago 綠 貳 Comments Off on 有種氣質叫 有TASTE

每個人都可能有一個閨蜜,只係唔係每個人都可以控制呢段關係嘅長短。我曾經都有一個閨蜜,我地曾經形影不離,每日結伴返學放學,佢叫Amanda。Amanda,你還好嗎?

記得中一嘅時候,我地每日得$10零用錢,但為左放學去飲咖啡界LV嘅Caramel Latte,小息嘅時候要忍住唔食燒賣,放學要一齊抵抗華潤撈麵餐嘅誘惑。為左慳錢,果陣我地每日都由炮台山山腳行上寶馬山,每次經過 LE SOMMET,就會FF 20年後要一齊買左佢做姑婆屋。年少真好。

中四之後我地就無再同過班,我地嘅友誼亦步入夕陽期。 少聚固然係死因,但其實更似係作為朋友嘅我不斷叨取你嘅光芒,阻礙你發光發亮。

之後,我地就再無一齊去飲咖啡界LV嘅Caramel Latte,因為你每日放學都要去開Joint School 嘅會。漸漸,我就無再上過你屋企,因為你放假要同DGS、Co-ed嘅新朋友 hang out。

啲人成話香港係彈丸之地,但由中學畢業至今呢七年我地都無相遇過。只係偶爾喺IG見到你用住因航嘅一折機票周遊列國,著住sport bra一邊做空中瑜珈一邊展露你羡煞旁人嘅美好身段。最近仲見到你另一半向你求婚嘅片段,睇黎繁忙嘅醫學院並無奪去你嘅光芒。最近當全世界嘅人都係度討論果位港姐冠軍的智慧同涵養,我就係度諗點解果個唔係你。

琴晚喺IG 見到你開House-warming party,個Location tag 喺 映御。我見到你有好多朋友留言問,點解腌尖嘅你會揀位於元朗嘅 映御。如果你仍然係我記憶中嘅你,我諗我明點解你會揀 映御。
中學嘅時候好羨慕你每個假期都去旅行,因為你爸媽都做因航,買機票有一折。因為你唔係一般嘅港女,所以我好奇點解每年總有一次個destination 係日本。我記得你答我你鍾情嘅係品味,係日本嘅格調。映御 個club house係Norman Chan設計,仲要係和風竹林格局,有室外泳池、Aerial yoga room、閱讀室,擁有呢個club house係對品味嘅一種追求。

    

你總係洋溢著才華,某程度上歸因於你對書本嘅狂熱。喺陪伴你度過嘅幾個新年,總係聽到你埋怨你媽媽送左成套金庸小說比親戚。有一次你發晒矛咁同我講,你媽媽因為唔想你考試分心,收埋左你本 The Silence of the Lambs。由果刻開始我打從心底佩服你咁鍾意睇書、咁錫書。你揀 映御,因為佢地竟然痴線到有埋電子儲物櫃,而你就終於可以將寄存係人地度嘅collections 帶返自己屋企。唔知你仲記唔記得你擺左成套The Lord of the Rings 係我屋企 ?

記得以前去親你度玩嘅時候,都要係大圍地鐵站等shuttle,等十分鐘搭多十五分鐘先去到你屋企。你每次都比我更唔耐煩,你話係巴士站等車好跼促,又多廢氣。 不過你明白世事係無完美,我地總唔能夠奢求交通便利,但又有安靜嘅氛圍,伴隨綠帶景觀。而你揀 映御 係因為佢離港鐵站只須行120秒,仲有一覽無遺南生圍嘅綠化景致,我知道 映御 完全係你對屋企最完美嘅想像。

好記得中學嘅時候你成日問我點解鍾意用鉛筆,你話科技嘅進步就係要令人類嘅生活變得更便利,然後你會話我唔識善用人類文明。我知道你揀 映御 係因為佢地個高科技酒店式電子鎖深深咁impress 你,除左用智能卡,仲可以用密碼代替鎖匙開門,幫你掩飾作為醫生最不能說的秘密:大頭蝦。

當我發現 映御 個club house 有得日日比你飲Starbucks,我就更明白你嘅選擇,因為你對咖啡界LV嘅熱愛始終如一。或者我對於你嘅選擇仲有一點補充,就係我忽然記起那個他叫Regan 。

噢,原來 映御 同 LE SOMMET 喺同一間發展商的。