四月推介:元朗 Grand YOHO 和沙田二手樓

6 months ago Roger 0

不少樓市評論員話香港購買力強,短期內樓價都唔會跌;施永青都話香港樓市仲有得升 15-20%。大人物講一句,好過我講一千句,大家對樓市信心依然。小弟坐喺細細間鋪,得張幾呎嘅枱,面對住17吋電腦螢幕,電話響過不停,客仔不停問我有邊啲新盤入得過,有無邊啲平靚正單位可以睇⋯⋯

香港地,有錢唔通擺銀行咩,當然係買磚頭啦。如果係自住,就更加要趁後生買,無謂幫人供樓。做左經紀咁多年多年,說教就絕對唔敢當,旨在講下個人心水,同大家交流交流,又或者分享下行內趣聞,派下花生。

元朗 GRAND YOHO就係我近期心水。當時一期開賣,超額認購53倍,至今仍然保持「票王」紀錄。舊年,小弟有個住開元朗嘅客,好想買,次次抽籤都跟我去。結果不負有心人,第三輪終於抽中,個客仍然開心到不得了,無他嘅,因為有錢都唔一定抽到。

係嘅,如果講質素,新地樓係行內就真係數一數二。用料出名靚,唔會太輝煌,不過有型有格。家電配套好齊章,連焗爐、乾衣機甚至小型酒櫃都有,買幾件傢俬就住得,慳返裝修。

識睇新樓就一定要睇埋 Club House,Club House 正,管理費都俾得服氣啲。GRAND YOHO個Club House係另一個加分位,大到迷路,足球場、網球場、乒乓球室,讀書房,品酒房、泳池都有6個,仲有燒烤區、兒童天地、戶外園區。基本上你講得出佢都有,拍得住政府綜合大樓加體育館。

周邊設施都幾令人滿意,側邊嘅YOHO MALL 係「衣」同「食」呢兩方面應有盡有,而且夠哂貼地。H&M、Zara啱哂大眾口味,食肆多到爆炸。交通就唔需要多講,隔離就係元朗站,亦係最攞分位。鐵路上蓋樓盤絕對穩陣,從來有價有市,投資自住都岩。

二手樓氣氛呢排都熱到爆,尤其係新界嗰邊,東涌、青衣、屯門今個月有多單頂價成交。除了為就快搬入 Grand YOHO 嘅業主開心,想買二手樓嘅話,都不妨諗下沙田,91同88呢兩個校網區好多家長想要,即係火炭站附近同大圍車公廟個頭,中小型單位,真係諗得過。不過好多已經開到近頂價,要買就要花啲時間尋寶!講住咁多先,歡迎各位交換心得,一齊發掘正嘢。